Ezetz ba, ez naizela Klingon bat!!!

Seguru inoiz edo behin gertatu zaizuela: telesail on bat ikusteko gogoekin zabiltzate, baina ez dakizue zein aukeratu. Trantze horretan ei dabil egunotan Makilakixki jauna, esaterako. Egoera bereziki larria izan daiteke gogo duzun telesail bat, Vren bertsio berria, esaterako, bat-batean bertan behera uzten badute (tamalez, gero eta sarriagotan gertatzen da hori).

Baina ez larritu, baliabide ezin aproposagoa aurkitu berri dut Arturo Gogaren blogaren bidez: SFSignal zientzia-fikzioari buruzko atariak mapa edo “flowchart” bat prestatu digu, galdera erraz batzuei erantzunez erabaki ahal izateko zein den ikusi behar dugun hurrengo telesaila. Tituluetako asko ez dira erraz topatzeko modukoak, baina tira, ideia primerakoa da, ezta?

Egin klik handiago ikusteko

Ez horregatik!

Annak bere esapaziuntziko soto ilun batean preso du ama V berriaren bigarren sasoian

Hemen duzue nire belaunaldiko asko zerebeloan itsatsita daukagun pasartea, ‘bisitariek’ zer merendatzen duten lehen aldiz ikusi genuenekoa:

Click here to view the video on YouTube.

Hemen, berriz, telesail berriko Anna, bigarren sasoiko bigarren atalean aurreko eszenari omenaldia eginez:

Click here to view the video on YouTube.

Zer deritzozue? Bietako zeinek du xarma gehiago karraskariak jaterakoan?

"Ulises, nire nabigazio mapak ezabatu egin dira". TomTomik ez dago Ulises 31ren sasoian!

Txikitan txoratzen ninduten zientzia-fikzioko telesail eta marrazki bizidunetan, gauzarik flipanteenetako bat garai hartan ‘konputagailuak’ deitzen zirenak ziren. Zer Google eta zer Googleondo! Nahikoa zen galdera ahoz botatzea, eta makinak di-da erantzuten zuen, erantzuna osatzeko beharrezko irudiak eta bideoak aldi berean erakutsiz… Halaxe egiten zuten G Komandoko kideek, Ulises 31k edota Star Trek-eko eskifaia osoak.

Bada, gaur flipatu egin dut. Qwiki izeneko webgunearen alfa bertsioa probatzeko aukera izan dut eta, galderak idatziz egin behar zaizkiola alde batera utzita, horixe egiten du: sartutako bilaketa terminoa hainbat gunetan arakatu, haietatik testu, irudi eta bideo informazioa atera, eta horixe erakusten digu era ezin txukunagoan. Ahots gozo batek testuzko informazio klikagarria irakurtzen digu, eta lokuzioa entzuten dugun bitartean erlazionatutako bideo eta irudiak ikusteko aukera dugu.

Oso-oso era erakargarria iruditu zait informazioa erakusteko, batez ere helburua informazio orokorra eskuratzea denean. Wikipediako artikulu batek eman dezakeen sakontasuna nekez emango digu Qwikik, baina kontsulta azkarretarako ezin aproposagoa iruditu zait. Hona, esaterako, ‘Bilbao’ galdetuta zer erantzuten digun. (‘Bilbo’ idatziz gero, Eraztunen Jaunako Bilbo Zorrozabalen inguruko informazioa ematen digu!).

Click here to view the video on YouTube.

Imajinatu zer izan daitekeen hau galderak ahoz sartzeko eta beste hizkuntzetarako euskarria erantsiz gero. Flipatzekoa, ezta?

(Bide batez, alpha bertsioa probatzeko gonbidapena nahi baduzue, eskatzea baino ez duzue!)

Egunotan hasi dira, bada, Estatu Batuetan azaroan emititzen hasiko den bigarren denboraldiaren inguruko ‘filtrazioak’ zabaltzen. Hala, TVGuide izeneko aldizkariak Badlerri egindako elkarrizketa txiki-txiki bat argitaratu du. Bertan, aktoreak kontatzen du hasieratik egon nahi izan duela V berriaren proiektuan, eta Annaren amaren papera bereganatzeko gogor lehiatu behar izan duela beste zenbait aktorerekin.

Pertsonaiari dagokionez, Badlerrek ez du ezer berririk esan: Diana berri hau Annaren ama da, estralurtarren ‘benetako’ erregina, alabak berak espazio-ontziko ziega batean 15 urtez zerratua izan duena. Alabak duen ostia txarra ezagututa, pentsatzekoa da ama ere gozo egongo dela!!! Hori bai, TVGuide-k Badlerren argazki bat ere argitaratu du. Ez du argitzen telesaioko karakterizazioa den ala ez, baina, gutxi gorabehera, horixe izan liteke Diana berriaren itxura. Zer iruditzen?

Hona, bada, bi gaiztoen ezaugarri zerrenda konparatiboa… Gehiago bururatzen bazaizkizue, utzi erantzun bat edo zeozer!

OHARRA: Warp Bortz blogean erreferentzia egin digute, Dianaren aldeko apologia bidegabea eginez. Zuek zer diozue?

Horretarako momentua 2018an iritsi da. Nazi lunatikoek., etxera bueltatzeko erabakia hartu dute, batere intentzio onik gabe, euren garaiko estetika duten OVNIetan igota. Horixe da Iron Sky pelikulak kontatzen duen istorio nagusia.

Filma produkzio fasean dago orain, eta komunitatearen ekarpenak eskatzen dituzte giodiari, estetikari eta abarri dagokienez. Momentuz ikus daitekeenaren arabera, badirudi oso estetika Steampunk izango duela, eta tira, ideia ondo garatuz gero kontu entretenigarria gera daiteke, ezta?

Momentuz, hona aurrerapen txiki bat:

Click here to view the video on YouTube.

Zer iruditzen?

Lurtar horiek: egun seinalatu hauetan satisfazioz eta harro esan nahi dizuet...

Espainiako Errege txit gorena ez da izan gaur ETBk iragarri duen bisita arrotz bakarra… Data zehatzik eman ez badute ere, EiTB.COMen irakurri ahal izan dugu Espainiako hainbat telebista autonomikok osatzen duten FORTA federazioak erosi dituela V telesailaren 2009ko bertsioa irekian emititzeko eskubideak.

Sekulakoa izango litzateke behingoagatik honelako telesail puntero bat (kalitateaz eztabaidatzen jar gaitezke, ados, baina ez didazue ukatuko lehenkapituluak behintzat sekulako audientzia izango duela) euskaraz soilik edo euskaraz lehenengo estreinatzea. EiTBko twitterlariek sujeritu dutenez, aukera bat izan liteke ETB3n estreinatzea, jatorrizko bertsioan euskarazko azpitituluekin. Estreinaldia egiten ez duten bitartean, ametsetan segitzeko eskubidea gutxienez badugu!

Enfin, itxoiten jarraitu beharko. Momentuz, Estatu Batuetan amaitu egin da lau kapituluz osatutako lehen aurkezpen-denboraldia, eta martxora arte ez da bueltatuko. NIk ikusi dudana asko gustatu zai behintzat!

A zer serora parea bera eta lehengusina...

Txuloa, e? Niri, hala ere, zalantza pare bat sortu zait:

1. Jatorrizko telesailean behintzat, estralurtarren ontzi inudeek (Elhuyar Hiztegia dixit) 50 kilometroko diametroa zutela esaten zen. Donostia gaineko untzi hori dezente txikiagoa da, ezta? Ontzi inudea barik, utilitarioa al da hori?
2. Ez nago ziur bisitariak etorriz gero Donostia aukeratuko ote luketen. Zuek zer uste duzue? Teknopatometroa erabiliko dugu teknopaton iritzia ‘pulsatzeko’!

Note: There is a poll embedded within this post, please visit the site to participate in this post's poll.

Enfin, V berria ikusi nahi baina TNT ordaintzeko gogorik ez duzuenok, jakizue TVE eta Forta (Espainiako telebista autonomikoen federazioa) negoziatzen ari omen direla telesaila dohainik emateko. Eta bueno, ez naiz ni izango seriesyonkis edo horrelako batera jotzea gomendatuko dizuena…

Anna, bisitarien buruzagi karismatikoa

ABC telebistak iragarri duenez, azaroaren 3an estreinatuko dute V telesail mitikoaren bertsio berria. Gugandik hurbilago, TNT kanalaren Espainiako adarrak iragarri du abenduaren 27an hasiko direla Vren lehen denboraldiko 13 kapituluak emititzen. Zorionekoak, beraz, kanal hori zuen kabletik jasotzen duzuenok!

Bien bitartean, lehen kapituluko lehen 8 minutuak sareratu dituzte ABCkoek. Honatx:

…baina orain, imajinatu hiltzaile bat bere biktimak hiltzeko URTEAK behar dituena. Horixe proposatzen digu “The horribly slow murderer with the extremely inefficient weapon” beldurrezko filmak. Ikusi, ikusi trailerra:

Zer iruditzen? Animatzen bazarete, jakizue film honen inguruko ‘flashmob’ edo bat-bateko hitzordu horietako bat antolatzen ari direla Bilbon FaceBook bidez.

Beldurgarria, e?

[Via: machacas.org] [Eskerrik asko @lostintv]