1988an, SEGA bideojolas enpresak Tetris bideojokoaren eskubideak lortu zituen Mirrorsoften eskutik. Bideokontsolen merkatua menperatzeko SEGA eta Nintendoren arteko guduaren erdian, SEGAk Tetrisen bertsio propioa garatu zuen artean bere izarra zen MegaDrive kontsolarako.

Jokoa merkaturatzeko prest zegoenean, Mirrorsoftek Nintendoren aurkako norgehiagoka galdu zuen Tetris-en eskubideak zirela eta. SEGAk jadanik saltzeko prest zeuzkan Tetris-en kopiak zakarrera bota behar izan zituen segituan, Nintendok Tetrisen kopiak milioika saltzen zituen bitartean (GameBoy kontsolarekin batera saltzen zuten).

Ez pentsa jokoa beste munduko ezer denik!!!

Dirudienez, SEGAren bertsioaren dozenatxo bat bat kopia gorde ziren, eta horiek gaur egun oso altxor preziatua dira bildumazaleentzako.

Horren adibide argia egunotan gertatzen ari dena: Luc Fons izeneko morroi batek 15.000 dolarretan erosi zuen ale horietako bat 2008an, eta nola edo hala, Tetris bera asmatu zuen Alekséi Pázhitnov-ek sinatzea lortu zuen.

Orain, hiru urte geroago, morroiak enkantean jarri du bideojolasa, eBayn, non bestela. Eta -ondo garbitu begiak- milioi bat dolar eskatzen du kartutxo zaharruno eta zirriborratuaren truke! Eta txarrena da jokoa bera ere nahiko kaskarra dela! Ikusi bestela irudi hauek… Zer musika klase da hori?!?

Click here to view the video on YouTube.

Polita izateaz gain, euskarazko sarearen ikur bat da!!!

Nik neuk ez dut uste horrenbeste aterako duenik, baina baietz piko on bat bai! Adi egon beharko dugu ba, enkantea nola bukatzen den jakiteko!

Une zirraragarri hori iristen den bitartean, jakinarazi behar dizuet neuk ere badudala ‘inkunable’ bat: Frankenmac, nire PowerMac G4 zaharra.

Bihotza gazte-gazte duen aitona zahar horrek internet euskaldunaren hastapenetako unerik garrantzitsuenak bizi izan ditu, eta haietako batzuen parte ere izan da: bertan sortu zen Applek debekatu zuen Mac OS Xen euskaraketaren zati handi bat, bertan grabatu ziren lagun honek, honek eta beste honek ere euskararen inguruan esandakoak… enfin, euskal blogosferaren fetitxistentzako balio kalkulaezineko harribitxia.

Zenbat ordainduko zenidakete haren truke? 50.000 eurotan has gaitezke?

(Saiakera egin behar nuen, haisuek!)

Info gehiago hemen (gazteleraz) eta hemen (ingelesez)

Click here to view the video on YouTube.

Animatuko zarete?

• Dokumentalak.com. Argia.com/multimedia barnean, euskarazko dokumentalak bildu eta ekoizleak euren lanak digitalizatzera animatzeko sortutako kanala. (43%, 66 bozka)
• Berriketan.info. Berria Taldeak sortutako informazioaren inguruko sare soziala. Albisteak, kazetariak eta herritarrak nahasten dituen sare soziala (38%, 58 bozka)
• Tokitan Telebista. Bidaien inguruko web telebista, “bidaiari txikientzako abentura handiak” biltzen dituena. (32%, 48 bozka)
• Kortoak.com. Argia.com/multimedian Euskal Herrian egindako film-laburrak biltzeko sortutako kanala. (26%, 39 bozka)
• Umap. Euskarazko twitter mezuen batzailea eta informazioa biltzen duen errobota. (24%, 37 bozka)
• Euskalherrian.info. Berriak jaso, antolatu eta hedatzeko sistema osoa martxan jarri eta eduki guzti horiek deszentralizatu eta bisibilizatzen dituen tres (24%, 37 bozka)
• Albisteak 2.0 saioa, internet, telebista eta parte-hartzea sustatzen duen saioa. (24%, 36 bozka)
• Gaurko Hitzaren bigarren urteurrena dela eta, Maite Goñik egindakoa, hainbati bideoak zintzilikatzeko eskatuz… eta lortuz! (19%, 29 bozka)
• Gure memetxoak Twitterren: #Hitzokei, #teknopatafacts… (19%, 29 bozka)
• Topatu.info (17%, 26 bozka)
• Independentistak.net (16%, 25 bozka)

MediaMarkt-eko gabonen aurreko erakusketa komertziala? Ez, erakunde publiko batek antolatutako erakusketa, 3 euroko sarrera duena.

Arratsalde lasaia Bilbon zehar pasioan. Halako batean alondegira barkatu, AlhóndigaBilbaora iritsi, eta hóPlay bideojoko jaialdiarekin lotutako erakusketa baten berri ikusi. – Zer? Sartuko gara kuxkuxeatzera? - Bale ba, goazen!

Lehenengo ezustekoa: erakusketara sartzeko ordaindu egin behar da. Hiru euro, Alhóndiga Txartelik izan ezean behintzat. -Tira ba, honen toki dotorean erakusketara kobratzen badute, barruan ganorazko zerbait dagoelako izango da… -Tori ba, sei euro.

Microsoften inbento berria probatu nahi? Instalazio publiko batean egin dezakezu hiru euro orainduta, edo edozein dendatan dohainik...

Eskilaretatik behera jaitsi, eta hantxe erakusketa: aspaldiko bideojolasen portada batzuen eskuzko zirriborroak, eta areto zabal-zabal bat, koloretako argiekin. Ezkerretara, hiru -lau Xbox360, Microsoften Kinect gailu berriarekin, begirale batzuen zaintzapean probatzeko. Bati euskaraz galdetzen hasi eta barrezka hasi da, sinpatika-sinpatika hori bai, bera Andaluziakoa dela eta ez dakiela euskaraz. Gainontzekoak ere berdintsu, seguruenik. Eredu ederra instalazio publiko batean Microsoften amua erakustaldia probatzen ari diren haurrentzat!

Eskumatara, ordenagailu pare bat, haietako bat ez dabilena, eta Wii kontsola batzuk. Fondoan, PlayStationak eta mando ‘arraroak’ dituzten Xbox gehiago: DJ kontsola bat, musika tresnak… eta erdialdean, Arte Ederretako ikasleek tuneatutako dozena bat Xbox.

Total, bi aste barru MediaMarkt, Toys’R'Us edo antzeko beste edozein dendatan ikusgai egongo den erakustaldi berbera, baina dohainik izan beharrean, hiru euro ordainduta, ekipamendu publiko batean. Gora Alhóndiga!

O2 Telefónicaren Inglaterrako adarra da

Hedabide gehienetan tarifa lauaren amaieraren kontu hori balizko kontu gisa aurkeztu digute egunotan, baina gauza da Telefónica hasia dela jadanik bezeroen tarifa lauak mugatzen. Zorionez, esperimentuak Inglaterran egitea erabaki du, baina ez izan dudarik gauza ondo ateraz gero berehala zabalduko duela bere adar guztietara. Eta Telefónica horretan hasiz gero, ez izan dudarik gainontzeko operadoreak ere berehala egingo dutela. (Besteak beste, gehienek haren sarea erabiliz eskaintzen baitute zerbitzua).

Bandaancha webgunean irakurri dugunez, Telefónicaren filiala den O2 operadore ingelesak aldaketak egin ditu asteon bere tarifa lauaren baldintzetan. Orain hiru tarifa lau eskaintzen ditu operadoreak, streaming eta P2P zerbitzuetarako murrizketaren araberakoak. Hiru tarifetan, oinarrizko abiadura 20 Mb-koa da, baina, ordaindu nahi duzunaren araberako mugekin.

Lehenengo eta behin, hilabeteko trafiko muga bat dute tarifarik merkeenek, 20 Gbkoa. Eta gainera, Youtube bezalako zerbitzuek abiadura muga berezia dute: 0,05 eta 0,8 Mb bitartean oinarrizko tarifan, 0,1 eta 8Mbps bitartean tarifa ertainean, eta 0,25tik aurrera tarifarik altuenarekin.

Onura bikoitza lortzen du horrela operadoreak: batetik, garestiago kobratu ahal die trafiko gehien erabiltzen duten bezeroei, aurrekoan iragarri zutena beteaz, eta bestetik internet bidez bideo edukiak jasotzeko ahalmena mugatzen du, bere telebista plataforma propioak hobeto saltzeko aukerak areagotuz.

Tarifikazioaz gain, O2k “Fair Usage Policy” edo “Gizalegezko Erabilera Politika” delakoa ere ezarri du bere baldintzetan. Horrek esan nahi du, sinple azalduta erabiltzaile batek bere linearen “gehiegizko erabilera egin” eta beste bezeroei “kalte eginez gero”, operadoreak berehala jakinaraziko diola, erabilera murrizteko ohartaraziz. Erabilera murriztu ezean, kontratuko baldintza berri horrek ahalmena ematen dio operadoreari zerbitzua bertan behera lagatzeko.

Panorama ederra, ezta? Telefónicaren Espainiako bulegoetan esan dute ez dutela horrelako sistemarik ezartzeko asmorik… baina bertako arrain lodien hitzak entzunda, ez da oso sinesgarri geratzen, ezta?

Atzo bertan kontu honen inguruan aritu ziren solasean Euskadi Irratiko Faktoria saioan. Tarifen kontua beste herrialde batzuetan nola dagoen kontatu zuten korrespontsalek (baten batek ez zuen ondo bereizten abiadura eta trafikoa ), eta gero CodeSyntax-eko Gari Araolaza eta Euskalteleko marketing zuzendaria, Koldo Unanue elkarrizketatu zituzten. Bigarrenez entzun nion Euskaltelekoari haiek ez dutela asmorik tarifak igotzeko, eta bide batez, O2k egindako aldaketen aipamena ere egin zuen. Garik, bestalde, kontu honetan neure ustez ere gakoa dena aipatu zuen: Telefónicak dio ‘internetek gainezka egin duela’ ordaintzen dugun tarifaren ahalmen osoa erabiltzaile maltzur, pirata eta arimagabeon erruz, baina benetan esan behar duena da bere azpiegiturak egin duela gainezka, ez duelako inbertsio nahikorik egin, eta hala ere zukua ateratzen jarraitu nahi diola.

Enfin, 20 minututxo baduzue merezi du entzutea. Hemen behean klik eginda egin dezakezue, edo EiTBren webgunetik bertatik.

Click here to view the video on YouTube.

Txinitoa, Flickr-eko El_Enigmari hartutakoa (klik handiago ikuseko)

Yo es que soy de la Margen Izquierda, y allí toda la vida hemos llevado pulseras mágicas

Hori 80ko hamarkadan izan zen, baina gaur egun ere baditugu antzeko adibideak: PowerBalance eskumuturreko famatuek, esate baterako, gorputzeko energiak orekatzen omen dituzte haien hologramei esker… Munduko futbol txapeldunen energia ere zureganatzeko gauza ei dira… “Siempre hay un roto para un descosido” esaten du nire amak. Eta beti izaten da halako gezur saltzaileei mirakuluak erosteko prest dagoen jendea.

Horregatik gustatu zait gaurko aurkikuntza. Silly Bandz izenekoak ez dira magikoak, ez dute botere berezirik, ez dute inongo zoriona edo oreka erakartzen. Silly dira, hau da, txatxuak, eta Bandz: gomak, alegia. Estatu Batuetako umeak txoratuta omen daude gomatxookin.

Kolore bizietakoak, forma estranbotikoekin, eskumuturrean, belarrian edo sudur puntan jartzeko hala nahi izanez gero: itsaskiak, printzesak, basapiztiak, era guztietakoak daude, baita izpi ultramoreekin kolorez aldatzen direnak ere!  Eta gainera, merke-merkeak dira: 24ko paketea bost eurotan eros daiteke.

Zer, erosiko dugu zakukada bat eta modan jarriko ditugu? Ni neu tentatua nago!!!

Ala bai? Iaz Pixka bat es mucho eztabaidatuak bete omen zuen hutsune hori neurri batean behintzat… eta aurten? Bueno, hona aukera bat: aurrekoan lankide batek deskubritu eta beste batek  berehala ‘pitiki dance’ gisa definitu zuena. Zuekin, Daia:

Click here to view the video on YouTube.

Zer iruditzen?

Etxebarriko gazte talde batek ADI!txb izeneko aldizkari berria sortu dute. Gazteek gazteentzat egina dela diote. Udaleko teknikari batek helarazi dit e-mailez eta —zahartzen hasia baino zerbait gehiago nago, snif!— pentsatu dudan lehena buuuuuuuf! izan da.

Hala ere, begirada bat egin diot aldizkariari eta harrituta geratu naiz: azal zaindua, maketazio txukuna, argazki bikainak, testuak ere ondo zainduak… tira, beharbada ez du Pullitzer bat lortuko, baina egileak zoriontzeko modukoa dela gutxienez bada.

Egileak zoriontzeko, eta aldizkaria bera erakusteko ere! Honatx: