Hauek izan dira zuen apustuak, handienetik txikienera ordenatuta:

Telebistako saioan bezala, jokoaren helburua Beldarrain jaunak proposatutako (eta aste honetan kexa formala kostatu zaion) aurrekontua asmatzea zen. Irabazlea peritoaren prezioa gainditu gabe gehien hurbildu dena izango da.

Ikus dezagun, bada, Beldarrain jaunak zenbat dirurekin pretenditzen duen etxe erdiaren zorua aldatzea eta gainontzeko guztia berriz ere leundu eta barnizatzea… honatx:

Hortxe duzue ba: 1.211,06 eurorekin moldatu behar naiz konponketak egiteko… Zer iruditzen?

Eta beraz, irabazlea iarandia jauna da. Berak eramango du 4 Gigako eskumuturreko ultracool-a. Zorionak eta eskerrik asko parte hartzeagatik!!!

Gaupasa egin genuen etxe biak sikatzen eta, handik pare bat egunera, zoruko parketeko taulak goiko irudian ikusten duzuen bezala altxatzen hasi ziren. Etxeko sarreran lehenengo… eta hezetasuna taulen azpitik hedatzen joan zen heinean, alboan dagoen egongelan ere bai. Bizilagunak lasai egoteko, bere aseguruak, CASER hogar, seguro rápido y eficaz-ek, hartuko zuela denaren kargu, eta ez nuela izango batere problemarik.

Click here to view the video on YouTube.

Apirilean gaude. Sarrerako zoru guztia hondatuta daukat, egongelaren zati batekoa ere bai. Azpiko taulak altxatu zaizkienez, sarrerako atea, sukaldekoa eta egongelakoa deformatu egin dira. Atezangoak eta zokaloetako batzuk ere zabaldu egin dira hezetasunarekin. Aldatu beharra dago, bai ala bai.

Ez bat eta ez bi, baizik eta HIRU arotz bidali ditu CASERek etxera, kalteak baloratu eta konponketaren aurrekontua prestatzeko. Hirurek esan dute gauza bera: hondatuta dagoen zoru zatia aldatzeaz gain, etxe osokoa berriz leundu eta barnizatu beharra dago, bestela sekulako ‘partxeak’ geratuko dira. Atezangoak ere, seguruenik etxeko denak aldatu beharko dira desberdinak izan ez daitezen. Bi urte pasatxo dituen pisu batean, neu ere ez nago prest partxez beteta utz dezaten.

Hiru arotz, beraz: lehenengoaren aurrekontuari uko egin eta beste bat bidali, bigarrenari ere ezetz eta hirugarrena… Eta peritoak hirurei ezetz: oso garestia dela hori, krisiarekin ez daudela gastutarako, haiek ez dutela zertan apurtuta ez dagoena berritu, etxeko taula batzuk kolore batekoak eta beste batzuk beste batekoak, edo jatorrizko zorua eta zati konpondu berrien arteko marrak geratzea ez dela haien arazoa…

Haserre, neure aseguru etxeari deitu diot. Lagun Arori. Ezbeharra gertatu zen gau hartan urduri-urduri haien 902 lineara bi minutuko bi dei egitearren 12 euro kobratu didan berberari. Hipotekaren interes tasan errebajatxo bat lortu nahi banuen Euskadiko Kutxak kontratatzera behartu ninduen berberari. Berarentzat garrantzitsuena ‘nigandik hurbil’ egotea den berberari.

Click here to view the video on YouTube.

Bueno, ba nori uste duzue ematen diola arrazoia neure aseguruko peritoak? Bingo: bere kolegari. Gehienez ere egin dezakedana dela CASERek egin nahi duen txapuza egiten utzi, eta lanak bukatutakoan konforme ez banago (hasi aurretik ere ez nago konforme… arotzak ere ez daude prest presupuestatu dutena baino gutxiago egiteko ez dutelako lotsagarri geratu nahi!) Lagun Arora deitu.

Eta lehiaketa?!?

Ah bai, barkatu! Gauza da gaur jaso dudala Lagun Aroren gutun bat, peritoak onartutako aurrekontuaren berri eman eta nire kontu zenbakia eskatuz, transferentzia egiteko. Honako hauek dira Juan Mari Beldarrain perito jaun txit ilustratuak, hankaz gora dudan etxera pare bat aldiz zaunka eta tono ezin prepotenteagoan etorri ondoren onartu dituen lanak:

Eta orain, lehiaketa:

Click here to view the video on YouTube.

Ea zeinek asmatzen duen -pasatu barik- Juan Mari Beldarrain jaun ilustrisimoak zer aurrekontu esleitu dion benetan egin behar diren lanen erdiak baino ez diren goiko horiei guztiei! Ostirala bitartean gehien hurbiltzen denak -peritoak emandako prezioa gainditu gabe, beti ere- sari zoragarri hau jasoko du

HARRAPAZANK ekimeneko 4Gbko memoria duen eskumuturreko ezin estilosoagoa!!! Uauu!!

Peritoak egindako aurrekontua asmatzen duenarentzat lau Gigako eskumuturra, HARRAPAZANKi esker

Zein da lan marabilloso horien preziyo justuba?!? Ezetz asmatu!!!

OHARRA: Sentitzen dut baina prezio justua asmatuz gero nik ez dauzkat -Joaquin Pratsek zeuzkan bezala- “cincuentamilpesetillas” holanporholan erregalatzeko!

Horra Vodafonek bidali zidan abisua: urtarrilaren 17an onartu ninduten haien familian

Ate interdimentsionalak zientzia-fikziozko kontua direla pentsatuko duzue askok. Errealitatea  bat eta bakarra dela, eta bi gehi bi beti direla lau. Baina oker zabiltzate: errealitateak asko dira, gurearekin zerikusirik ez duten dimentsioak aurki daitezke hor zehar. Dimentsio horietan, fisikaren legeek ez dute gure mundukoekin zerikusirik, eta matematika bera ere sorpresaz beterik dago.

Eta, han-hemenka ezkutatuta, badira ate interdimentsionalak: gure mundutik beste batera (eta alderantziz) igarotzeko balio duten pasabideak. Nik horietako bat topatu dut: Vodafoneren Espainiako egoitza nagusian dago, eta jarraian erakutsiko dizkizuet froga ezin argiagoak.

Dakizuenez, duela ez asko erabaki nuen etxeko internet konexioa eta telefonoa Vodafonerekin kontratatzea, Euskaltelen prezio politikarekin astebetez flipatu ondoren. Eskaintza ezin gozoagoa egin zidaten Vodafonekoek, eta, tramite guztiak egin ostean, urtarrilaren 17an aktibatu zidaten zerbitzua. Hona eskaintzaren baldintza zehatzak:

17 mega inguruko abiadura

Horixe agindu zidan komertzialak nire etxe inguruko baldintza teknikoak aztertzen ari zen itxurak egiten zuen bitartean: auzo berria denez, zentralita digitala denez, eta etxetik gertu samar dagoenez, iragartzen dituzten 20 megak ez, baina 16-17ren bueltan geratu behar zitzaidan konexio abiadura. Baina ai! Vodafone dimentsioko 17 zenbakia ez da gure mundukoa. Hori argi erakusten du Vodafoneren routerrak berak:

2 + 2 ez dira 4, eta 17 ere ez du zertan 17 izan

Antibirusa, doan

Horrez gain, Vodafoneren komertzialak Protección PC izeneko antibirus zerbitzu bat ere eskaini zidan, dohainik lehen hiru hilabeteetan, probatzeko aukera izan nezan. Hirugarren hilabeterako gustatu ezean, baja eskatu eta listo, besterik ez nuen egin behar. baina berriz ere, “dohainik” hitzak ez du gauza bera esan nahi Vodafoneren dimentsio paraleloan: gurean ZERO euro direnak, Vodafoneren munduan 8,97 dira!!!

29,90 euro hilean lehen 9 hilabeteetan

Konexioaren prezioa guztira, hileko 29,90 eurokoa izan behar zuen lehen 9 hilabeteetan. Baina honezkero ikasi duzue ezta? 29,90 ez da kopuru bera hemen eta Vodafonelandian:

29,90 = 80,15. Zer iruditzen?

Izan ere, Vodafoneren mundu miresgarrian, enpresa batek zerbitzua hilaren 17an aktibatzen dizunean, hilaren 3tik aurrera hasten da kobratzen. Eta dohainik diren zerbitzuak ere kobratu egiten dira, birritan kobratu ere. Ikusi, ikusi:

ADSLa urtarrilaren 17an aktibatu baina 3tik kobratzeaz gain, dohainik zen Protección Pc delako horren kuota HIRU BIDEZ kobratu didate (urtarrilaren 3tik 14ra, urtarrilaren 15etik otsailaren 14ra eta, berriz ere, urtarrilaren 17tik otsailaren 14ra), eta alta ere birritan. Arraroak direla matematikak Vodafonelandian?

Total, arrasalde pasa egin dudala bezeroaren arreta zerbitzuko neska batekin, eta 32 euro bueltatu behar dizkidatela. Gainera, zerbitzu teknikoan esan didate nire lineak ez duela abiadura gehiagorako ematen, eta nahi izanez gero, 20 megako konexioaren ordez 6koa eskatu dezakedala aur bat aurrezteko. Laburbilduz: bihar Euskaltelen 177ra deituko dut, ea bezero berri gisa onartzen nauten ¬.¬

A!Hurrengo batean beste istoriotxo bat kontatuko dizuet. Duela aste pare bat uholdeak izan ditut etxean, eta hiru telefono dei egin ditut Lagun Arora, egoeraren berri emateko. LagunTel zerbitzuaren 902 zenbakiak 13 euro pasatxo kobratu dizkit ura orkatiletaraino nuela kontatu eta zer egin behar ote nuen galdetzearren…

Eta gero ez dagoela negoziorik. Ja!

Eta halako batean, etxeko telefonoak jo du. Euskaltelekoa ez, baizik eta Vodafonekoa izan da deitu duen teleoperadorea. Laburbilduz, ondoko hau eskaini dit:

• 20 megarainoko ADSLa (nire etxearen kokapena egiaztatu ondoren, 17 mega inguruko abiadura ‘bermatu’ dit, ikusiko dugu).
• Finkoetara deitzeko tarifa laua
• Mugikorretara deitzeko 350 minutu dohainik asteburu eta jaiegunetan
• 3G pintxoa dohainik + hilean 3 egun dohainik erabiltzeko aukera (Hortik aurrera egun bakoitzeko 2 euro. Garesti, bai!)
• Wifi N Routerra
• Hilean 24,90 + BEZ ordainduta lehenengo 9 hilabetetan, eta gero 34,90+BEZ hilean. Lehen 9 hilabete horietan segapotoren bat Vodafonerekin hartuz gero, finkoaren hileko prezioa 24,90ean uzten ei dute.
• Hori bai, 18 hilabeteko konpromisoarekin (haiek 17 megako abiadura mantentzen duten bitartean).

Vodafoneren ADSL routerrak oso itxura ona du, bide batez. Twonky Server multimedia zerbitzaria ere badakar, bideo eta audioa telebista eta beste hainbat gailutara streaming bidez igortzeko

Total: Euskaltelekoek batere kasurik egin ez didatela kontuan hartuz, eskaintza onartu egin dut.

Eta esan behar dut momentuz tratu aparta eman didatela (erdara hutsez, hori bai): pazientzia eskergaz erantzun didate galdera maltzur guztiei; errepikatzeko eskatu diedanean errepikatu egin didate, berriz deitzeko eskatu diedanean esandako orduan deitu dute puntual-puntual, eta kudeaketa lan guztiak oso azkar egiten ari dira!

Konexio paketea (routerra eta 3G pintxoa) gaur bertan jaso dut,  eskaintza onartu nuenetik astebete pasatu ez bada ere! Seguruena damutu egingo zait, eta udarako hauen kontura ere kristorenak eta bi esango dizkizuet, baina tira, gutxienez Zamudiokoek kobratu nahi zidatenaren erdia kenduko didate!

Kontatuko dizuet baina, bien bitartean, hemen azpian utzi dizuet 20 mega inguruko konexio eskaintzen prezioekin egin dudan taulatxo bat, baten bati baliagarri suertatu ahal zaiolakoan. Movistar eta Ya.com enpresak falta dira hor: bi horiekin arazo oso larriak izan ditut iraganean, eta guztiz baztertuta dauzkat.

Enpin, kontatuko dizuet!

Zuotako asko egongo zarete antzeko egoeran, baina badaezpada ere, egoera hau da:

Hau da, orain arteko zerbitzu berberaren truke, hilabeteroko faktura ia-ia hirukoiztu nahi didate. Bezeroen arreta zerbitzura deitu eta hantxe esan dit teleoperadoreak, faktura merketzeko dudan aukera bakarra interneteko abiadura murriztea dela: 24 Megatik 5era pasatzea, hain zuzen ere. Horrela eginez gero, interneteko kuota 10 euro merketuko lidakete. Hau da, fakturan %15eko merketzea lortzeko, internet abiadura %80 murriztu behar dut… Eta hori da eskaini didaten aukera bakarra, famiia ugaria edo jubilaziotik at.

Total, berriz ere jo dudala arreta zerbitzura, baina oraingo honetan e-mailez, hemen azaltzen ari naizen berbera idatziz uzteko. Eskaintza hobetzen ez badute, alde egitea beste erremediorik ez dudala izango argituz. Proposamen onargarririk egingo didate? @barnetx, @Hey_Neken eta @turutarena lagunekin twitter bidez izandako elkarrizketagatik, ez dirudi ezer onik espero daitekeenik.

Kontatuko dizuet… baina bitartean… zer alternatiba gomendatzen didazue? Kontuan izan Movistar betatuta dudala, eta Ya.com kontsumo bulegoan salatuta! XD

Blogari gauean, aharrausi goizean. photo © 2009 Mike Connolly | more info (via: Wylio)Egoerarik larriena 46-64 urte bitartekoen artean gertatzen da, gehien-gehienek onartzen baitute telebista ikusten dutela gauero-gauero lotara joan aurretik. Zerrendako bigarren postuan bideojolasak daude: 13-18 urte bitartekoen heren batek, eta 19-29 urte bitartekoen %28k erabiltzen ditu lotarakoan.

Ordenagailuak ere ez daude urrun: inkestatuen %61ek dio ohera joan aurretik ordenagailuan aritzen dela astean gau batzuetan gutxienez.

Aparteko aipamena egin diete sakelako telefonoei: lotara joan ondoren ere, jende asko esnatu egiten da telefonoen erruz, SMS edo e-mail abisuak direla eta.

Kontua ez litzateke kezkatzekoa, jende horrek guztiak ‘lo gutxiegi egiten duela’ eta ‘eguna logurez’ pasatzen duela onartuko ez balu. Ikerlarien arabera, gaur egungo gazteek duela mende bat baino ordubete edo ordu eta bi ordu gutxiago egiten du lo egunero… hilean 50 ordu inguru.

Hori ez litzateke kezkagarria, gehienek ez balute onartuko ‘lo gutxiegi’ egiten dutela, eta egun osoa logureaz pasatzen dutela. Harvard Medical School-eko Charles Czeisler-ek dioenez “lo falta horrek eragin negatiboa du haien lanean, aldartean, familian, gidatzeko ohituretan, bizitza sexualetan eta osasunean”.

Eta zuek, zuen gailuetatik gertu lo egiten duzue? Kalterik sumatu al duzue?

Egunen batean kontatu behar dizuet YA.COMen baja emateko laster urtebete egingo duen nire abenturatxoa, YACOMen ustezko abokatuen gaueko 11:00etatik aurrerako dei intimidatorioak barne. Euskaltelera bueltatu naiz abenduan haiekin lasaiago biziko nintzatekeelakoan, baina bai zera! Baina tira, goazen atalez atal…

Frikazoek Euskaltel gomendatzen dute

50M ‘prezio berean’

Duela aste batzuk eskuzabaltasunaren eredu agertu zaigu Euskaltel. FAIL guztien ama eta aita izan litekeen publizitate kanpaina batean, 12 megako banda zabaleko bezerooi urtebetez 50 megara pasatzeko eskaintza egin digu, orain arteko prezio berean, bide batez frikazo hutsak garela argi eta garbi esanez.

Baina tira, komunikazio arazoak alde batera utzita, eskaintza ona dirudi, ezta? Total, prezioa mantendu behar badidate…

Baina, eskaintzak letra txikiak ditu! Letra txiki asko, aukeran. Jadanik bezero garenok, idatzi bat jaso dugu egunotan (pdf) sustapen kode batekin, eta eskaintzaren baldintzekin. Hiru aukera eskaintzen dizkigute:

Lehen aukera: 12 megatik 24ra pasatzea, hilean 3 euro gehiago ordainduta.

Bigarren aukera: 12 megatik 50era pasatzea, orain arteko prezio berean. Berean? Tira, gutxi gorabehera, izan ere:

• Baina niri duela hilabete eskas jarri didazue kablemodema, eta Wifi N eta Docsis 3.0 dauzka…
• Ya, ya, baina eske eskaintzan sartzeko kobratzen dugun kuota finko bat da. (sic)
• Aaaah, edeeerto ba!

Total, orain arteko prezio bera Euskaltelen arabera dela 49/12= 4,08 euro gehiago hilean.

Baina lasai, eskaintza gustuko izan ezean, hirugarren aukera bat ere badugu orain 12M dugunok: gauden bezala jarraitzea…

Egon! Zer da orriaren bukaeran izartxo batez markatuta dagoen lerrotxo mikroskopiko hori?

• Hara, hara, hara, beraz, otsailetik aurrera ezin izango dut 12M izaten jarraitu?
• Ez, 24Mra igoko dizugu abiadura, eta hilean 3€ gehiago kobratu. Baina lasai, e? Gutun bat bidaliko dizugu dena ondo azaltzen!
• A, oso ondo ba…

Total, teorian nahi izanez gero 50Mra pasatu gaitezkeela dohainik. Praktikan, doakotasun horrek 49 euro balio du. Eta tira, ordaindu nahi ez baditut, otsailetik aurrera abiadura igo eta 3 euro igoko didate prezioa, nik abiadura igoera nahi ala nahi ez.

Ederra pagotxa!

EGUNERAKETA:

JGabiMark lagunak esan digunez, (mila esker!) antza 12Mrekin jarraitzeko aukera ere badago… baldin eta espreski eskatzen bada! Pentsatzen dut hori telefonoz egin daitekeela 1717an, edo bestela zuzenean kanpainaren webgunean, postaz bidaltzen dute kodea erabiliz, azken aukera hautatuz (12Mrekin jarraitu). Baina badirudi ezer esan ezean, 24Mra (eta hilean 3 euro gehiagora) pasako gaituztela.

Dena den, Gartzik dioenez, eskaintzen duten zerbitzua eta tarifa ohartarazi gabe aldatzea gurekin duten kontratua urratzea da. Pentsatzen dut horregatik esan zidala telefonokoak ‘idatziz azalduko digutela gutun batean’. Edonola ere, detaile dotore-dotorea ez da, ezta?

Honezkero jakingo duzuenez, Topagunean lan egiten dut, Euskara Elkarteen Federazioan, alegia. Hedabide saileko sustatzailea naiz han, euskara elkarte askok sortutako hedabideei laguntza (eta sarritan, berez daukatena baino lan gehiago) ematea da. Gurasoei azaltzen zailak diren lan horietako bat da. Batez ere gurasoak Rondako mendizerran galdutako Jubrique izeneko herrixka batekoak badira. Berrogeitaka urtez Euskal Herrian bizi arren euskaraz hitz bat ere ikasi ez duten horietakoak dira (are, gazteleraz ere hango doinuaz egiten dute biek oraindik ere, amak bereziki). Bulegoan ez naiz antzeko profila duen bakarra. Gazte Saileko sustatzaileak, Sonia Perez Anguerak, eta Kulturgintzakoak, Manuel Morenok, guraso andaluzak dituzte. Txantxetan, Comando Malagita deitzen diogu gure buruari sarritan.

Baina tira, harira. Hona gaur arratsaldean (esan bezala, laugarren edo bosgarren aldiz) telefonoz izan dudan elkarrizketa. Telefonoak jo du eta:

• Topagunea, bai esan?
• Arratsalde on. Begira, Arrate Irratitik deitzen dut. Udagoieneko Osterari buruzko elkarrizketatxo bat egin nahi dugu bihar eta jakin nahi nuke norekin hitz egin behar dudan.
• Bai, horretarako gure kultura teknikariarekin hitz egin behar duzu. Manuel Moreno da bera, baina orain ez dago bulegoan. Mobila emango dizut harekin zuzenean hitz egiteko: zenbakia hau eta hau da.
• Ondo, bere izena errepikatuko didazu?
• Bai: Manuel Moreno, kultura teknikaria.
• Zera… baina elkarrizketa euskaraz da, horrek euskaraz badaki?

Ez ba, jatorria Ebrotik behera dugunok ezintasun genetiko bat dugu euskaraz aritzeko, baina Euskara Elkarteen Federazioak erdaldun kuota bat du bere plantillan berdintasuna sustatzeko, eta horri eskerrak ari gara hirurok hor lanean…

Behin gerta daiteke, birritan ere bai, baina Sonia Perezekin, Manuel Morenorekin edo neronekin hitz egin behar duen bakoitzean galdera berbera egiten du! Sinestuidazue, oso-oso-oso amorragarria da.

Baina tira, konponbide bat ere bilatu dugu, ez pentsa. Aurrerantzean, bulegora deitu eta gugandik galdetu behar duzue, gogoratu Sonia Perez orain Ixone Petrikorena, Manuel Moreno berriz, Manu Montero Imanol Baltza (eskerrik asko Bolizko Dorreko Yodari), eta ni Joseba Gorriti. Kontuan izan, e? ¬.¬

Larregi ez luzatzearren, saiatuko naiz esperientzia puntu zehatz batzuetara ekartzen, inoiz erabakirik hartu behar izanez gero, baliagarri suertatuko zaizuelakoan.

1. Salmenta aurreko esperientzia

Webgunea sinple samarra da, baina esan daiteke funtzionala dela. Konponketak eskatzeko orduan, konponketa ‘estandarrak’ eskaintzen dituzte aldez aurretik zehaztuta: HTC Magic bati pantaila aldatzea, karkasa aldatzea, eta abar. Behar duzun zerbitzua horien artean badago, erosketa saskira gehitu eta ordaintzea besterik ez dago. Bestela, aurrekontu bat eskatzea dago, konpondu beharreko telefonoa bertara bidaliz.

Terminalaren bidalketa dela eta, beharbada horixe da gehien harritu nauena. Hiru bidalketa modu eskaintzen dute 3GSateko lagunek: telefonoa norberak bidaltzea, NACEX enpresako mezulari batek etxean jasotzea, edota mezulariak jasotzea eta bueltan ere ekartzea. Azken hori hatu nuen nik, erosoena, baina baita garestiena ere: 23 euroren bueltan. Hori bai, garraio zerbitzua primerakoa izan da, eta teleofnoak 24 ordu baino gutxiagotan egin du etxetik Malagaraino zein bueltako bidea. Ordainketa transferentzia bidez egin behar da.

• ATAL HONETAKO PUNTUAZIOA: 7/10
  • ONENA: Garraio zerbitzuaren eraginkortasuna
  • TXARRENA: Webgunearen sistema desfasatuxea

2. Salmenta bitarteko esperientzia

Hiru bat aste eman dute nire telefonoa konpontzen, iragarritakoa baino zertxobait gehiago. Orangek saldutako Hero terminalen hardwarea ez da HTCk zuzenean saldutakoen berdin-berdina, eta nire kasuan, matxura ‘estandarra’ ez den osagai horietako batean zegoenez, 3GSatekoek beharrezko osagaia eskatu eta iritsi arte itxaron behar izan dute.

Azalpenak berehala eman dizkidate eskatu ditudanean, baina horixe: eskatu ditudanean soilik. Eskatu ezean (webgunearen limitazioengatik, pentsatu nahi dut), mezu bakar bat jaso dut, terminala tailerrean jasota zutela eta konponketa prozesatzen ari zirela esateko. Hiru astetan, bestelako mezu automatikorik ez dut jaso, eta galdetu behar izan dut konponketa nola zihoan jakiteko. Hori izan da gutxien gustatu zaidana edo -positiboan planteatzeko- gehien hobetu ahal dena. Bestela, erantzun dutenean zehaztasun handiko azalpenak eman dizkidate eta oso tratu hurbilarekin, jende atsegina ematen du.

• ATAL HONETAKO PUNTUAZIOA: 5/10
  • ONENA: Tratu hurbila eta informazio zehatza
  • TXARRENA: Konponketak dirauen bitartean, sistema automatikoak ez du batere informaziorik ematen haren progresoaren inguruan.

3. Salmenta osteko esperientzia: prezioa, konponketaren kalitatea…

Guztira, 100 euro kostatu zait Heroa konpontzea: 23, esan dizuedan bezala, garraio gastuetan joan dira, eta gainontzekoak konponketari berari dagozkio. Espero nuena baino gutxiago zen, egia esan, beste terminal batzuetan operazio berdina egiteko dituzten prezioak ikusita. Prezio aldetik, beraz, batere kexarik ez.

Egun oso batez probatu ostean, gainera, badirudi telefonoa primeran dabilela, hasieran bezain ondo edo hobeto agian. Susto bat izan nuen egin nuen lehenengo deiarekin, zarata arraroak entzuten nituelako, baina arazoa beste telefonoan zegoen, ez nirean.

Gainera, espero ez nuen detaile txiki bat ere izan dute: telefonoarekin batera, pieza zaharra ere bidali behar dute. Horrelako zerbitzu batean, funtsezkoa da konponketa benetan egin duzula frogatzea eta tira, pieza zaharra bidaltzeak ezer ziurtatzen ez badu ere, bada seriotasun ukitua ematen duen zeozer, ezta?

• ATAL HONETAKO PUNTUAZIOA: 8/10
  • ONENA: Konponketa ondo eginda, telefonoan kanpoko markarik ez, pieza zaharra bidali dute
  • TXARRENA: Alde txarrik ez

…eta beraz, gomendagarria al da?

Niri behintzat hala iruditu zait, beti ere azken errekurtso gisa, konponketa garantiaren bidez dohianik ateratzeko modurik ez dagoenean. Kasu horretan ere, ondo pentsatu behar da konponketa egin ala ez: bidalketa gastuak eta abarrak kontuan hartuta, edozein konponketa erraz jarriko zaizu 100 euroren bueltan eta, segun eta zer telefono den konpondu nahi duzuna, eta zer erabilea ematen diozun,erraz gerta liteke prezio horretan konpondu beharrekoa baino askoz ere telefono berri hobeak erosi ahal izatea. Hori norberak baloratu behar du, noski; niri behintzat merezi izan dit.

Baina gero eta zailagoa da, benetan! Applek azken boladan egin dituen barrabaskeriak gutxi balira, botoi bakarrari uko egitea gutxi balitz, Steve Jobs karismatikoaren gainbehera gutxi balitz… …gaur jakin dut Macintosha Jobsekin batera sortu zuen Steve Wozniak bera, Apple filantropia kontuengatik utzi egin zuena, Estatu Batuetako ABC telebistaren Dancing with the Stars saioan agertu behar dela… Mira Quien Baila-n, hain zuzen ere!

Zer izango da hurrengoa? E? E? Jonathan Ive El diario de Patricia-n? Baina zer infernu klase da hau?!? Baina zer egin dizuet nik hau merezi izatekoooo!