Teknopataren txokoa » Teknopatometroa

Hauek dira nominatu sesisesiak

joxe — Mon, 19 Dec 2011 22:17:20 +0000

Bueno, astebete baino ez da falta #sesisesi KDDrako (nork, baina nork, esango zidan niri fregao hauetan sartzeko!) eta emozio apur bat eman beharko zaio kontuari, ezta?

Jakiteko irrikatan egongo zarete eta, hauek dira sesisesienak izateko nominatuak (hots, bozkatuenak):


Emakumezkoak	Gizonezkoak
@euskaljakintza @xaukenaxauk @marikazetari @eideralkorta @muxkilla	@jonsaez @teketen @boligorria @bsarasola @iarandia @euskaltroll

(bai, @euskaltroll nonbait sartu beharra zegoen eta…)

OHAR GARRATNTZITSUA: Saria jasotzeko (bi lagunentzako afaria Kaixomaitia.com-en eskutik) EZINBESTEKOA DA KDDra etortzea. Ez negarrik egin gero!

Baduzue planik abenduaren 27rako?

joxe — Mon, 12 Dec 2011 23:50:31 +0000

Zer egin behar duzue abenduaren 27ko iluntzean? Ezertxo ere ez, ezta?

Bueno, ba nik plan bat proposatzen dizuet: animatzen bazarete, Bilboko Kalderapekon geratzea, iluntzeko 20:00etatik aurrera, #sesisesi bozketaren irabazleak jakinarazi eta elkarrekin barretxo batzuk egiteko. Nahi izanez gero, ondoko orrian duzue plan zehatzagoa eta izena emateko bidea (bai, izena eman beharra dago, lojistika kontuak, badakizue!)

Baina, zer inbento klase da hau?

Batzuk despistatu samar ikusi zaituztedanez, beharbada komeni da #sesisesi kontu hau nondik datorren, labur-labur:

Azaroaren 10ean, Espainia mailako politikaririk sexyena Urkullu zela zioen inkestaren emaitzen berri izan ondoren, inkesta bera internauta euskaldunen alorrera ekartzea bururatu zitzaidan.
Inkesta argitaratu eta gutxira, KAIXOMAITIA.COMeko lagunek saria eskaini zuten bozkatuenentzat.
Egun gutxi batzuetan, 168 lagunek bete zuten inkesta. Bana erantzunen dispertsioa oso handia izan zen, eta bigarren erronda bat abiatu genuen, lehenengoan bozka bi edo gehiago jasotako hautagaiak soilik kontuan hartuta. Zerrenda horretan, 13 gizonezko, 12 emakumezko eta EuskalTroll zeuden.
121 lagunek erantzn zioten bigarren galdeketa horri, eta erantzun horiek erabaki dute nortzuk diren internauta euskaldunik sesisesienak. Hori jakinarazteko egingo dugu 27ko merendola.

EKitaldiaren behin-behineko kartela, LaPersonnalité-ko Goio Telletxea lagunak sortutakoa. Egin klik handiago ikusteko!

Ezin aipatu gabe utzi…

Lorategi hau muntatzen lagundu duten/laguntzen ari diren jarto guztiak. Alegia:

Kaixomaitia.com eta/edo Iñigo Arandia jaun txit gorena,, lehen pausua ematera bultzatzeagatik.
Jozulin jaun txit jartoa eta Benito jaun txit altua, lorazaintza lanetan hasieratik sartu direnak.
Yogurinha Borova handia, ezezagun batek gau ilun batean aldez aurretik abisatu gabe deitu eta majarada hau guztia kontatu ondoren, laguntzeko prest azaltzeagatik.
Urko Aristi, aurkezle lanak egiteko deitu gabe ere prest zegoela esateagatik .
Josu Bergara, kantatu bakarrik ez, okasiorako kantu berezi bat ere sortzeko lanak hartzeagatik!
Goio Telletxea, kartel estiloso eta ederrarengatik. LaPersonnalité rulez!
Markos Gimeno, zozketatzeko material palindromiko ezin ederragoa ia eskatu gabe ere eskaintzeagatik
Kalderapeko, lokala uzteagatik.
Bozketan aipatuta agertu eta, kontu honekin guztiarekin ados ez egonda ere, sekulako pitotea muntatu beharrean, kritika zorrotz baina argumentatuak pribatuan eta aurrez aurre egin dizkidazuenei. Diplomazia eskertzen da, benetan!
Inkestatan parte hartu duzuen guztiak, noski!

Enfin, zerrenda luzatzen joango da denborarekin… baina momentuz horrelaxe geratuko da!

Sesisesi bigarren itzulia: aurrerapen txiki bat

joxe — Thu, 24 Nov 2011 23:20:38 +0000

Bi egun falta dira internauta euskaldunik sesisesiena nor den bozkatzeko, eta oraindik lehen itzulian parte hartu zuen jende asko falta da iritzia emateko. Hori, edo bestela tranpati hutsez josita dugu euskal sarea! Lehen itzuliak 168 erantzun jaso ziren, eta bigarren honetan, momentuz behintzat, 96 soilik.

Emaitzak infartagarriak dira, egia esan: lehen postuen artean ‘bozka’ bakar baten aldea dago, eta oraindik edozer gerta daiteke. Izenik ez dizuet esango tentsioa (informazio hutsunea esaten genion euskaltegian) mantentzeko. Baina bai kategoria bakoitzeko lehen postuetan daudenek zenbat boto duten. Honelaxe dago ranking-a:

**Sailkapena**
	Emakumezkoak	Gizonezkoak
1.a	22	13 / 13
2.a	16	12
3.a	12	10
4.a	11	9
5.a	10	8

Ikusi duzue, ezta? Gizonezkoen artean berdinketa dago lehen postuan! Bi zibermorroskok 13na bozka jaso dute, eta beraz oso garrantzitsuak dira oraindik etor daitezkeen erantzunak… Ah! Eta @euskaltroll oso gutxigatik geratu da lehen bost horietatik kanpo! Emakumezkoen artean erabakia argiagoa da oraingoz, baina hor ere lehia bizi-bizi dago eta gauzak asko alda litezke oraindik. Bozkatu gabe gertuko zara?

SESISESI: lehen 100 erantzunak

joxe — Sun, 13 Nov 2011 17:07:40 +0000

Ufa, uste baino gehiago korapilatu da azkenean #sesisesi azterketa, eta asteburuan burukomin bat baino gehiago izan dut haren kontura… baina bueno, badirudi kontua egonkortu egin dela, eta dagoeneko baditugu galdetegiari erantzun dioten lehen 100 ausarten erantzunak. Zalantzatan zaudetenontzat (eta jakinminez zabiltzatenontzat ere, noski!), hona ostiraletik honako botoek zer eman duten:

Arazo teknikoak

Hasteko eta behin, larunbat arratsaldean disgustu handi bat izan nuen: jatorrizko inkesta osatuta dagoen POLLDADDY zerbitzua kexaka hasi zen erantzunak 100 baino gehiago zirelako. Erantzunak jasotzen jarraituko zuela, baina nik 100.etik aurrerakoak ikusi ahal izateko, urtebeteko 200$ kuota ordaindu behar nuela. Neure errua, egia esan, baldintzak behar bezala ez irakurtzeagatik.

Total, blogari inkestak egiteko plugin berri bat instalatu ta horra migratu behar izan dudala inkesta. Horrek esan nahi du, besteak beste, lehen 93 erantzunak eskuz eta banan-banan kopiatu behar izan ditudala taula berri batera. Baina bueno, horrela hobeto konturatu naiz eman dituzuen erantzunen aniztasunaz!

Kezkatzen nauen beste kontutxo bat badago hala ere: larunbat arratsaldeko 19:00etatik gauerdira bitarteko erantzunak ez daude inon jasota . Tarte horretan erantzun zenutenoi eskertuko nizueke berriz ere erantzutea, denbora baduzue behintzat.

Erantzunen inguruan

Erantzunak direla eta ez direla, hona gainbegiradatxo bat, hainbat aldagairen arabera multzokatuta:

Generoa

Erantzun duten gehienak gizonezkoak dira. Ez dakit oso ondo nola interpretatu… baina esango nuke argi uzten duela gai honekiko dugun ‘interesa’

Adina

Adinari dagokionez ere, multzo nagusi bat nabarmentzen da, 26-39 urte bitartekoena. Erantzunen ia erdiak tarte horretako jendeak utzi du. Beste erdia bi laurdenetan banatzen da: 16-25 bitartekoak eta 40-55 bitartekoak. Multzo horietatik kanpo, erantzun kopurua anekdotikoa da:

Sexu joera

Gehiengo handi-handi bat heterosexualtzat du bere burua, baina badira beste aukera batzuk: argi ez daukatenak ia homosexualak beste dira (%7 – %8), eta badira bi joera berri: autosexuala eta ipurdi handien zalea.

Bide batez, gizaki autosexual horrek Patxi Lopez lehendakariari eman dio botua. Horrek zer esan nahi duen interpretatzea zuen esku utziko dut…

Oso ondo, bai, baina zeintzuk dira sesisesienak?

Euskaldunak ez gara ezertan ados jartzen, eta gai honetan ere ezin bestela izan: 100 erantzunetan 50 sesisesi proposamen atera dira. Bueno, 50: baten batek maddalen jarri du besterik gabe, eta ezin jakin nor den!

Hemen jarri dizuet agertu diren izen identifikagarri guztien zerrenda. Gehinek tuiter kontua dute, eta tuiter kontu horretara lotu ditut izenak. Askok bertan dute jarrita euren argazkia, hortaz erraz antzemango duzuen benetan sesisesiak iruditzen zaizkizuen ala ez. Beste gutxi batzuk ez ditut aurkitu, eta google irudi bilaketara bideratu zaituztet zuek zeuek epaitzeko

Zerrenda ordena alfabetikoan dago eta, momentuz, nahiago dut ez esan bakoitzak zenbat botu duen. Bi baino gehiago dituztenak, horiek bai, beltzez adierazita daude. Ala, kotilleatzera!!!

OHARRA: Eskerrik asko @samuraitasuna andereinoari datuak kudeatzeko Google Fusion ezdakitzer badagoela jakinarazteagatik! XD

Zein da euskal internautarik sexiena?

joxe — Thu, 10 Nov 2011 22:18:13 +0000

EGUNERATUA!

Ikerketaren behin-behineko emaitzak argitaratuta!

Egunotan irakurri ahal izan dugunez, Inigo Urkullu omen da politikaririk sexiena Espainiako emakumeentzat.

Um… eta euskal internauton artean, zein ote da sexiena? Teknopataren txokoko ikertegi soziologikoak inkesta burutsu eta hiperzientifiko bat prestatu du internauta euskaldunon artean tiradizorik handiena zeinek duen jakiteko. Ikerketaren inguruko kontu guztiak #sesisesi etiketarekin identifikatzen ari gara.

Sexienek, afaria kaixomaitia.com-en eskutik

Ikerketan parte hartu nahi? Zure iritzia garrantzitsua da!!! Egin behar duzun bakarra azaroaren 27ra arte bukatu arte zabalik egongo den beheko inkesta hori beteaz.

Badakit, jakin, inkestako galderak oso ‘konprometituak’ direla eta horrek atzera eman dezakeela erantzuteko orduan. Alde horretatik lasai egon zaitezkete: argitaratuko diren datuak globalak soilik izango dira, eta erantzun partikularrak anonimoak dira eta neuk bakarrik ikus ditzaket.

Inkesta bukatutakoan, kaixomaitia.com-en eskutik, emakumezkorik eta gizonezkorik bozkatuenek sari bana izango dute: afari goxo-goxoa Donostiako The Morgan Kompanyn!

Bigarren itzulia, martxan!

Iragarrita genuen bezalaxe, bozketaren bigarren fasea martxan dugu jadanik. Azkar ibili erantzuteko orduan, gogoan izan azaroaren 27an amaituko dela epea!!!

Teknopatak gara eta harro gaude!!!

joxe — Thu, 01 Sep 2011 22:45:56 +0000

Horixe litzateke azken teknopatometroaren ondorio nagusia. Oporretara goazenean ere, finkatu egin dugu sarera sartu ahal izateko gailuren bat aldean eramateko ohitura. Ikusi bestela zer dioten inkestaren datuek:

Hasteko eta bat, iaz baino teknopata gutxiagok hartu duzue parte inkestan, 26k soilik (iaz 35 izan zineten). Zenbakiak ikusteko jakinmina baduzue, hauexek dira:

Ikus dezakezuenez, 2009tik 2010era izugarrizko jauzia egon zen 3G erabiltzaile kopuruan, baina harez geroztik ematen du baretu egin dela. Teknopaton erdiak baino gehiago gara jadanik oporretara 3G pintxoa (edo segapotoa) aldean daramagunok.

Horrekin batera, 2009tik 2011ra dagoen aldaketarik handiena ziberkafe erabiltzaileei dagokiena da: 2009an %21 ginen oporretan konektatzeko halako establezimendu batean sartzen ginenak. Aurten, berriz, zero! Bideokluben bidetik joango dira ziberkafeak?

Jakinmina baduzue, zuzenean kontsulta ditzakezue 2009, 2010 eta 2011ko datuak… eta egon adi, datorren astean beste inkesta superinteresgarri bat etorriko da eta!

Teknopatometroa: oporrak online ala offline? (2011)

joxe — Mon, 08 Aug 2011 07:00:19 +0000

Geek!, cc-by-sa metamoof (Flickr)

Dagoeneko ohitura bihurtu da, eta ohiturak errespetatu egin behar dira? Beraz, horra teknopatometroaren hurrengo galdera…

Note: There is a poll embedded within this post, please visit the site to participate in this post's poll.

Teknopatok & pegatinak

joxe — Mon, 08 Aug 2011 06:50:05 +0000

Gogoan izango duzuenez, teknopatometroaren aazken galdeketan gailu berriak erostean ekartzen dituzten autobonboko pegatinak kentzeko joerarik dugun ala ez jakin nahi genuen. 45 teknopatok erantzun dugu egun hauetan, eta ezin esan emaitza argirik dugunik…

Badirudi multzorik handiena pegatak kentzearen aldekoak garela, 45etik 24k esan dugu kendu egiten ditugula. Hala ere, gehienok astebetez-edo itxaroten dugu, dena behar bezala dabilela ikusi arte, bueltatu behar izanez gero arazorik ez izateko.

Aipatzekoa da, era berean, dudatan dabiltzanen multzoa ere nahiko handia dela. Edonola ere, ematen du euskal teknopatok, oro har, pegatak kentzearen aldekoak garela.

Hurrengo galdera berehala egin behar dizuet, urteroko ohiturari jarraiki… Baina horretarako beste sarrera bat erabiliko dut, gauzak ez nahastearren, ados?

Teknopatometroa: pegatinak kendu, bai ala ez?

joxe — Tue, 26 Jul 2011 21:19:22 +0000

‘Elkarrizketa’ bitxia izan dut gaur FaceBooken Edorta eta Leire lagunekin. Edortak Berto Romeroren bideo hau ekarri du gogora. Umoregileak gailu berrien promozio pegatinak kentzen ez dituen jendearen kontra azaltzen da bideoan… eta Edortak teknopatometroa eskatu dit gaiaren inguruan.

Eta ni, beti bezain txintxo, publikoaren eskaria betetzera nator. Hona azken boladan abondonatu samar zegoen teknopatometroaren hurrengo galdera: Gailu berri bat erositakoan… kentzen al dizkiozu pegatinak? Ea ba, zer irteten den

Note: There is a poll embedded within this post, please visit the site to participate in this post's poll.

Gero eta teknopatago

joxe — Tue, 27 Jul 2010 13:05:55 +0000

Amaitu da azken teknopatometroari erantzuteko epea eta datuak, lagunok, ezin adierazgarriagoak dira: urtebetean BIKOIZTU egin da oporretan 3G konexioa eramango duzuen (dugun) lagunen portzentajea, eta beste muturra ere, batere konexiorik egin ez duenarena, handitu egin da: 2009an zuotako batek ere ez zuen esan oporrak erabat offline pasatzeko asmorik zuenik. Aurten, berriz, %3k esan duzue (lagun batek, hain zuzen ere). Euskaldun identitario hauek -esango luke baten batek- beeeti muturreko jarreratan.

Edonola ere, offline, online edo borderline dela, ondo pasa oporrak (orain hartu behar dituzuenok). Gainontzekoei ere animo, gero sekulako inbidia emango diguzue eta!