Bueno, ba oraingoan ia-ia berdina pasatu da Txinan. Panzhihua hiriko suhiltzaileek 64 urteko amonatxo baten etxera joan behar izan zuten aurrekoan, andrearen adatsa zerbikalak masajeatzeko eskuko makina batean korapilatu ondoren.

Nola ibiliko dira Txinan murrizketa kontuetan? Suhiltzaileen bisita bere poltsikotik ordaintzera behartuko ote zuten gure amonatxoa?

Badirudi amonatxoa onik atera zela oraingo honetan… etxea suhiltzailez beteta eta istripua telebistako albistetan ikustearen lotsa kontatzen ez badugu, noski. Ordu laurdeneko ospea alferrik xahutzeko modu okerragorik?!?

Click here to view the video on YouTube.

Kontuz ibili tresna elektrikoan, (batez ere txinatarrak badira!!!). Eta irakurri erabiltzailearen eskuliburua!!!

Gero eta gauza gehiago ditugu sarera konektatuta (Europako Batasuneko biztanle bakoitzak bi objektu konektatu ei ditu bataz beste), eta badirudi politikariek horri buruz hitz egiten hasi nahi dutela. Europako Batzordeak bermatu nahi du Gauzen Internetek ez ditzala pertsonon eskubideak urratu, eta horretara begirako pausuak ematen (legeak egiten) hasi nahi du.

Langintza horretan hasteko, galdetegi bat prestatu dute Bruselan (ingelesez), gaian interesa duten guztiek ekarpenak egiteko. Galdetegi horren bidez, Batzordeak erakunde zein norbanakoen iritzia jaso nahi du honako gai hauei buruz:

• pertsonon pribatutasunaren eta segurtasunaren auzia
• Gauzen Interneten azpiegituraren segurtasuna
• etika kontuak
• gobernuen zeregina Gauzen Interneten esparruan
• araudi teknikoa

Galdetegian jasotako datuekin, eta politikarien proposamenekin, noski Batzordeak Gauzen Interneti buruzko gomendio sorta landu eta 2013ko udan aurkeztuko du. Europan internetekin lotuta garatzen ari diren legediak kontuan hartuta, esango nuke garrantzitsua dela norberak esateko daukana argi esatea, ezta?

Info gehiago Europako Batzordearen webgunean: ingelesez, frantsesez eta gazteleraz

Ligoteo geolokalizatua, orain euskaraz ere bai

Jakingo duzuenez, aste honetan bost urte egin ditu kaixomaitia.com euskaldunak harremanetan jartzeko webguneak.

Urteurrena ospatzeko hainbat berrikuntza egin dituzte, tartean deigarriena Android sistemarako aplikazioa, balizko kaixomaitiak geolokalizatzeko sistema eta guzti.

Aplikazioa oso ondo dago (egizue proba eta esango didazue!) baina, badakizue, teknopatok beti urrats bat aurrerago goaz, eta zer hobetua ere ikusi diogu jadanik.

Izan ere, aste honetan bertan izan dugu Kissenger izeneko errobot baten berri. Prototipoa baino ez da oraingoz, baina kaixomaitiaren osagarri perfektua dela esan daiteke beldurrik gabe.

Kissenger silikonazko ezpainak dituen pelotatxo bat da, eta, hain zuzen ere, musu birtualak bidaltzeko balio du. Zuk zure pelotatxoari muxu eman, eta berak bere antzeko beste edozein pelotari bidal diezaioke. Bere jabeak abisu bat jaso eta, bere ezpainak errobotaren kontra jarrita, zure musuaren ‘kopia’ jasoko du, intentsitate eta grina berberarekin. Baina hobe da zuek zeuek ikustea:

Click here to view the video on YouTube.

Horra gure gomendia, beraz, kaixomaitia.com-eko lagun eskuzabalei Aplikazioaren 2.0 bertsioa ateratzen denean, Kiseenger batekin batera saldu! Arrakasta ziurra!!!

Demagun udan gaudela benetan, urari batere fobiarik ez diogula, ur-kirolak maite ditugula, eta garraiobide berriak probatzearen zale amorratuak garela. Hona hemen kasu horretan (eta horretan soilik!) derrigorrez probatu beharreko tramankulua: JetLev Flyer du izena eta propulsio motxila bat da, pelikuletan ikusten direnen antzekoak, erabiltzailea bultzatzeko, edozein erregai baino, ura erabiltzen duena. Errazago ulertuko duzue irudiok ikusita:

Tramankulu horrek 10 metrora arte altxatu ahal zaitu airean 35 km/h abiaduran. Asmatzaileek diotenez oso segurua da, altuera horretatik eroriz gero ere uretara jausiko zara eta. Trasteak, irudiotan ikusten den bezala, ura zurrupatzen du atzealdean duen hodi lodi horren amaieran daraman txalupa itxurako motore batetik.

Erakargarria e? Erosi nahi baduzu, hementxe egin dezakezu… hori bai, 130.000 euro beharko dituzu!

Orain gehienok oporretan zaudete (bisita kontagailuan ere argi eta garbi ikusten da, ez esan gezurrik!), eta beraz ospakizuna irailerako uztea pentsatu dut. Bi sari ezin ederragoak zozketatuko ditut orduan, eta horrela opor osteko sindromea ere samurrago pasatuko dugu denok, ezta?

Sariak, nola ez, bi tableta izango dira, bi NotPad, hain zuzen ere. Eskuko gailu hauek sistema eragile askea daramate, ti-ta abiarazten dira, eta lehiakide guztien markak hausten dituzte energia aurrezteari dagokionez. Aste honetan iritsi zaizkit eta gaur ibili naiz haiekin apur bat trasteatzen. Hauek dira:

NotPadak, webgune hau bera erakusten, orizontalean eta bertikalean (mobile mode)

Txuloak, ezta? Orain pentsatu behar dudan bakarra da zer joku mota antolatu zozketan parte hartu nahi duzuenontzat… mmm… ideiarik bai?

Bueno, gutxi gorabehera:

The video cannot be shown at the moment. Please try again later.

Macintosharen amama zen Apple Lisak ekarri zuen lehen sagu komertziala. Ez zen oso ergonomikoa ezta oso polita ere, baina sekulako berrikuntza suposatu zuen.

Fosforo zuriko testu hutsezko pantailen munduan, pantailako erakusleak eta hura mugitzeko saguak erabateko iraultza suposatu zuten 80ko hamarkadaren erdialdean. Harez geroztik, aldaketa estetiko-ergonomikoak alde batera utzita, berrikuntza gutxi izan da erakuslea mugitzeko gailuen teknologia horretan.

Duela urtebete luze Light Touch delakoa aipatu nizuen hemen, pantaila eta erakusle teknologia uztartzen zituen gailu berri bat, edozein azalera lau ukimen pantaila bihurtzeko gailua. Kontzeptua eta azoka komertzial bateko aurkezpenaz gain, beste ezer gutxi jakin dugu haren inguruan azken hamabi-hamabost hilabeteotan. Pena, zeren eta kontzeptu benetan interesgarria ematen baitu.

Bada, gaurkoan antzeko beste gailu baten berri ikusi dut han-hemenka. Bere garaian teklatu laser birtuala sortu zuen enpresa berberak, Celluon delakoak, bee azken asmakizunaren loriak kantatzen dituen bideo bat jarri du sarean. Gailuak evoMouse du izena eta, sagua baino, txakurra dirudi:

Sagurik gabeko sagua dela esan genezake: bere bi begitxo berde horiek eskuarekin zer keinu egiten dugun aztertu, eta horren arabera mugitzen dute ordenagailuko erakuslea batera ala bestera, klik bat edo bi egin, irudiak alde batera edo bestera biratu… hori dena eskutan ezerri heldu beharrik gabe.

Baina hitzez azaltzea nahiko konplexua da: onena zuek zeuek ikustea:

Click here to view the video on YouTube.

Baietz txuloa, e? Bueno, ba orain merkaturatze data eta prezioa jakitea baino ez zaigu falta Olentzerorentzako zerrendan txakurtxoari lekutxo bat egiteko…

TXIMIST pilak, haiek bai sendoak, eta ez paperezko txatxukeri hauek!!!

Ezetz ba, japoniarrak ez direla gauza originalak asmatzen dituzten bakarrak! Ikusi bestela, Portugalgo ikertzaile talde batek paperezko bateria bat asmatu du, giroko hezetasuna aprobetxatuz kargatzen dena.

CENIMAT ikerkuntza zentruko Elvira Fortunato eta Rodrigo Martins ikertzaileek zuzentzen duten taldeak aireko hezetasuna erabiliz kargatzen den paperezko bateria asmatu dute. Inbentoa ez dabil edonon, noski, eta giroko hezetasuna %40koa gutxienez izatea behar du kargatu ahal izateko. Hezetasun maila hori handia bada ere, oso ohikoa ei da itsasertzean, esaterako.

Gainera, CENIMATeko ikertzaileak biobateriak ere sortu nahi dituzte: geure gorputzeko hezetasuna balaiatuz kargatuko liratekeen bateriak, markapasoak eta antzeko gailuak elikatzeko. Baietz ideia ona?

Harik eta baten batek irudian ikusten dena bezalako oparia egin eta memoria freskatzen dion!

Click here to view the video on YouTube.

Hor ikusten duzuen R2-D2 hori USB hub sinple bat da, bertan gailu bat sartu edo ateratzen den bakoitzean zarataka hasten dena.

Erabilgarria? Ez gehiegi, beharbada, baina baietz molaaaatu!

Oraingo honetan ez dizuet errobotik erakutsiko baina. Badakizue bideojokoetan ere oso aurreratuta daudela japoniarrak. Jolasteko moduan iraultza ekarri duten Nintendo Wii eta Playstation Move bertatik iritsi zaizkigu.

SEGA mitikoak ere bere ekarpena egin nahi izan omen du mugimenduz kontrolatutako bideojokoen esparrura. Bere asmakizunak Toirettsu du izena, eta jatetxeetan, tabernetan eta horrelakoetan instalatzeko pentsatua dago. Horrelakoetako komunetan, hain zuzen ere.

Denetarik asmatu da gizakion txiza bideratzeko. Komunerako porteriak ere bai! Den-dena alferrik.

Badakizue hamaika saiakera izan direla gizonezkoontzako komun publikoetan txiza kazolaren barruan egin dezagun. Punteria eskasa eta arreta are eskasagoa izan ohi dugu, eta bi faktore horiek higiene arau guztien kontra doaz komun publikoetan. Horregatik asmatu dituzte komunetako euliak, armiarmak… baita futboleko porteriak ere!

SEGAk, bada, pausu bat harago eman du gizakion txiza bide zuzenetik eramateko borrokan. Toirettsu bideojokoan pixarekin jolasten da: zenbat eta dianan zuzenago jo, orduan eta puntu gehiago! Gainera, bota dugun txorrotadaren zenbatekoa ere ematen digu jolasak, horretan ere zenbateko meritua dugun jakiteko. Olentzerori ere eskatu diot halako bat, baina momentuz Japonian bakarrik ikus daitezke. Turismoa egiteko beste arrazoi bat, ezta?

Click here to view the video on YouTube.