Teknopataren txokoa

Blogariak Amaraunean, 2010/07/04

Ana Malagonek, Haritz Rodriguezek eta Goio Telletxeak itxi dute (oraingoan bai!) ‘ikasturte’ honetako Amaraunaren solasaldia. Udan atseden hartzen utzi digute tarantulatxoek, eta dena ondo bidean udazkenean ekingo diogu berriro solasari. Gaurko gaien artean, honako hauek:

• Ibaimusic.com, euskal musika erosteko webgunea. Eta bide batez beste hainbat: musikherria, musikaz blai…
• Berriz ere Leroy, Youtube bidez famatu den gasteiztarra
• HTML5 webguneak idazteko estandar berria (zer zaila irrati bidez azaltzea!!!)
• Bizkaiko Greenpeace-k FaceBooki ateratzen dion zukua
• iPhone 4ren arazoak eta hari egindako kritikak…

Entzun nahi?

Etiketak: amarauna, ana malagon, blogariak, euskadi irratia, facebook, goio telletxea, greenpeace, haritz rodriguez, html5, ibaimusic, leroy, solasaldia | Zabildu

Blogariak Amaraunean, 2010/06/20

Gorka Julio, Maite Goñi (eta bere iPada ¬.¬ ) eta Mikel Iturria izan dira gaurko guardiako blogariak Amaraunako solasaldian. Besteak beste honako hauek aipatu dituzte:

• Egun digitala hasteko moduak
• Tknikan izan diren Moodlemoot eta Innotk jardunaldiak
• Haritz Rodriguezen tokitan.tv bideoblogaren estreinaldia
• 29ko grebak sarean hartu duen oihartzuna
• Leroy, Youtube bidez sekulako arrakasta lortu duen gazte gasteiztarra

Etiketak: amarauna, blogariak, euskadi irratia, euskaljakintza, gasteiz, gorka julio, greba, innotk, iturri, leroy, maite goñi, maitego, mikel iturria, moodlemoot, solasaldia, teketen, tknika, youtube | Zabildu

Blogariak Amaraunean, 2010/06/06

2006. urtean bageunde data satanikoa litzateke gaurkoa, baina ez gaudenez, denok lasai!

Gauza da Goio Telletxea, Ana Malagon eta Maite Goñi izan direla gaur Amaraunako blogarien tartean (baten batek argituko dit inoiz nola demontre deklinatu behar den Amarauna?). Mintza Egunean pasatu dut nik igandea, eta ez dut solasaldia entzuteko aukerarik izan, beraz, brutoan igotzen ari naiz, zerbitzarira doan bitartean entzuten. Ea baten batek laburpena pasatzen didan!

Ingeniaritza genetikoak bere alde onak ere baditu: Euskal Herrian, esaterako, gizaki arruntok ‘Maite Goñi’ izenarekin ezagutzen dugun klon multzoa dugu. Multzoko kideetako batek gaien laburpena egin du blogean, eta nik kopipega dakarkizuet hona:

• Internet bidezko erosketek gora egin dute EAEn, 1. hiruhilekoan. Teknologia  berrien ezarpenari buruz Eustatek egindako inkesta batetik ateratako datuen arabera, 316.100 bezeroek erosi zuten Internet bidez EAEn, iaz baino %33,6 gehiago (32.000 pertsona gehiago). Datu hauek ulertzeko garaian, interesgarria litzateke kontuan izatea Joxe Aranzabalek bere blogean aipatutako hau:  sei urtean Internet %265 hazi da gure artean.
• TomTom-ek bere produktu eskaintza ofizialean sartu du Eibar.org-ek egindako euskarazko bertsioa. Iban Arantzabal, Amatiño, Mikel Iturria eta Leire Narbaizaren ahotsak entzun daitezke GPSan, euskaraz.
• Memeak: ideia bikaina ala tontakeria?
• Jesus Elosegiren argazkien digitalizazioa, Arantzadiren eskutik. Guregipuzkoa.net-en daude guztion eskura, Creative Commons lizentziapean.
• Ontziak Kerobia taldearen disko berria libre deskargatzeko aukera.

Entzun nahi? Ala pues:

Etiketak: amarauna, ana malagon, blogariak, euskadi irratia, euskaljakintza, goio telletxea, lanbroute, maite goñi, maitego, pravda txikia, solasaldia | Zabildu