Teknopataren txokoa

Alderik alde: Anna vs. Diana

Bueeeeno, aste honetan aireratu behar dute Estatu Batuetan V 2009ren lehen denboraldiko azken kapitulua eta norbaitek eskuragarri jarri arte itxaroten dudan bitartean, iluminazio bat izan dut: zergatik ez egin telesail klasikoko eta modernoko gaiztoen arteko konparazio bat, gadgetekin egiten den bezala? Esan eta egin: hementxe duzue. (Kontuz, spoilerrak aurki ditzakezue ETB emititzen hastearen zain bazaudete…)

Ezaugarri ‘teknikoa’	Diana (V ’80)	Anna (V 2009)
Postua	Ofizial zientifikoa	Bisitarien buruzagi nagusia
Tipazo	BAI	BAI
Pelazo	BAI	EZ
Amoranteak jan	EZ (guk dakigula)	BAI
Arrautzak errun	EZ	BAI
Kazetari estatubatuarra engainatu	BAI	BAI
Esaldi tipikoa	The leader won’t be happy	We are of peace… always
Aginteari eusteko modua	Crivit-ak	Telepatia, kontrol mentala
Ama da	EZ	BAI
Idazkaria du	EZ	BAI
Bankuko zuzendaria dirudi	EZ	BAI
Laneko pantaila	Fosforo berdeko 15 hazbeteko CRT monitorea	Pantaila birtual holografikoa
Betaurreko ilunak	BAI	EZ
Ahots metalikoa	BAI	EZ
Gizakiak fianbreratan sartu	BAI	EZ

Hona, bada, bi gaiztoen ezaugarri zerrenda konparatiboa… Gehiago bururatzen bazaizkizue, utzi erantzun bat edo zeozer!

OHARRA: Warp Bortz blogean erreferentzia egin digute, Dianaren aldeko apologia bidegabea eginez. Zuek zer diozue?

Etiketak: anna, bisitariak, diana, estralurtarrak, ezaugarriak, telebista, v, zientzia-fikzioa. konparazioa | Zabildu

Estralurtarrek Bilbo aukeratuko lukete

Horixe diozue irakurleok azken Teknopatometroan. ‘V’ telesailaren bertsio berriaren estreinaldia dela eta, estralurtarrak Euskal Herrira etortzekotan zein hiriburu aukeratuko luketen galdetu genuen. Eta emaitzak argiak dira:

Vren euskal bertsioan Annaren leloa zein izango litzatekeen ere bururatu zaigu: “Athleticekoak gara. Beti”.

Etiketak: bilbo, estatistikak, estralurtarrak, teknopatometroa, v | Zabildu

Gaiztoak gu geu garenean…

Krisiaren eraginez akaso, estralurtarrak zinemara bueltatzen ari dira (badakizue, beti esan da beldurrezko filmak jendearen benetako beldurrak uxatzeko egiten direla). Zientzia-fikzioa izugarri gustatzen zait eta, aitortu behar dut, Star Trek XIren estreinaldiak epel-epel utzi ninduenez (hots: ni frio ni calor), beste martzianada bat ikusteko gogoekin geratu naiz.

Eta hara non aurkitu dudan nire martzianozaletasuna asetzeko ezin egokiagoa dirudien pelikula (Jainkoak bedeinka dezala Mac OS Xeko Front Row delakoa asmatu zuena): District 9 (ez , ez da Bilboko tugurio ezaguna). Itxura oso ona du behintzat: kontakizuna 90eko hamarkadan gertatzen da, Hegoafrikan. Alien ezin itsusiagoz betetako espazio-ontzi erraldoi bat (bai, V telesailekoen antzekoa) bertara iritsi da. Gizakion kontra oldartu beharrean, alderantziz gertatzen da: militarrek ontzia bahitu eta eskifaia suburbioetan bizi eta lanik astunenak egitera behartzen dituzte, armadarako lan egiten duen enpresa batek haien teknologia kopiatzen saiatzen den bitartean.

Antza denez (istorioa ‘asmatzen’ ari naiz irakurri ditudan apurretan oinarrituta), gobernuko agente bat estralurtarren bioteknologiarekin tratatzen dute esperimentu gisa, eta halako batean, agente hori Alien Spartacus moduko bat bihurtzen da, alien esplotatu gaixoen eskubide ‘ez-humanoen’ defendatzaile sutsua. Hona trailerra:

Gehiago »

Etiketak: alien, alien nation, district 9, earth 2, estralurtarrak, hegoafrika, telebista, telesailak, Zi-Fi, zientzia-fikzioa, zinema | Zabildu