Amaitu da hamar@2010 bozkatzeko garaia, eta herria mintzatu egin da. 152 lagunek hartu duzue parte, eta esan behar dut neurri batean behintzat kezkagarria iruditzen zaidala datua: iazko edizioan baino 85 ‘hautesle’ gutxiago parte hartu duzue aurten. Beharbada arrazoia eman beharko zaie blogosferaren moteltzeaz hitz egiten dutenei (nik neuk ere beste batzuetan baino askoz ere denbora gutxiago eskaini diot aurten kontu honi, hori ere aitortu beharko dut).
Enfin, kontuak kontu, hona aurtengo (bueno, iazko) interneteko euskal ekarpenik onenak, zuek bozkatu duzuenaren arabera. Zorionak guztioi, eta hasi 2011rako proiektu berriak prestatzen, eh?
BAT@2010: Dokumentalak.com. Argia.com/multimedia barnean, euskarazko dokumentalak bildu eta ekoizleak euren lanak digitalizatzera animatzeko sortutako kanala. (43%, 66 bozka)
BI@2010: Berriketan.info. Berria Taldeak sortutako informazioaren inguruko sare soziala. Albisteak, kazetariak eta herritarrak nahasten dituen sare soziala (38%, 58 bozka)
HIRU@2010: Tokitan Telebista. Bidaien inguruko web telebista, “bidaiari txikientzako abentura handiak” biltzen dituena. (32%, 48 bozka)
LAU@2010: Kortoak.com. Argia.com/multimedian Euskal Herrian egindako film-laburrak biltzeko sortutako kanala. (26%, 39 bozka)
BOST@2010: Urteroko berdinketa bosgarren postuan gertatu da aurten. Batetik Umap dugu postu horretan, Euskarazko twitter mezuen batzailea eta informazioa biltzen duen errobota; eta bestetik Euskalherrian.info. Berriak jaso, antolatu eta hedatzeko sistema osoa martxan jarri eta eduki guzti horiek deszentralizatu eta bisibilizatzen dituen tresna (24%, 37 bozka)
SEI@2010: Albisteak 2.0 saioa, internet, telebista eta parte-hartzea sustatzen duen saioa. (24%, 36 bozka)
ZAZPI@2010: postu honetan ere berdinketa dugu: alde batetik, Gaurko Hitzaren bigarren urteurrena dela eta, Maite Goñik egindakoa, hainbati bideoak zintzilikatzeko eskatuz… eta lortuz! Bestetik, Gure memetxoak Twitterren: #Hitzokei, #teknopatafacts… (19%, 29 bozka)
ZORTZI@2010: Topatu.info (17%, 26 bozka)
BEDERATZI@2010: Independentistak.net (16%, 25 bozka)
HAMAR@2010: ZutaGu. Ezagutza partekatzeko euskarazko sare soziala. Bakoitzak bere txoko eta tresnak dituen sarea, baina besteekin elkarlanean aritzeko aukera ere. (15%, 23 bozka)
Zorionak zerrenda honetan lekutxoa lortu duzuenei eta, nola ez, hautagai gisa ere proposatuak izan zaretenoi! Jakinmina baduzue, eskuragarri duzue bozketen zerrenda osoa (iazkoa barne!)
Gaur Amaraunean komentatu dutenaren haritik igual pentsatu beharko da sari banaketarako “ebento”ren bat antolatzea. Ez dakit, zeozer xalo eta intimoa Kursaalen edo Euskalduna Jauregian Beyoncérekin…
Aupa Joxe!
Lehenik eta behin zorionak eta eskerrik asko beste behin ere ekimen hau antolatzeagatik.
Irratian esan nuen bezala, niri bereziki ilusioa egiten didan sariketa da. Etxekoa, geurea, gertukoa. Ez da izango zabalkunde handiena duena baina, tira, bada euskal blogosferak sentitzen duenaren seinale,nolabait.
Jozulinek dioenarekin ere ados. Lehenengo sarituei gadget txorra eta merkeren bat oparitu beharko zenieke 😛
Bestalde, uste dut zabalpen pixka bat eman beharko zeniokela. Esango duzu: “Badator xuriken lan gehiago ematera”, baina ez dakit, Sustatura, Zuzeura bidali akaso… Bai prebia eta bai emaitza ere.
Egia esateko nahiko harrituta nauka bi agerkari horietako erredakzioek ez eraman izana albistea beren webgunetara. Erantzuna badakit zein den aldez aurretik: “Zuk zeuk idatzi…” baina esan dakieke ere, “zuk zeuk eraman” (interesa badu bederen) lizentzia librea dute eta.
Berriak, esaterako, “Hara!” atalean eskaini zion tarte bat eta emaitzaren berri ere eman du:
http://www.berria.info/hara/458/berriketaninfo_sare_soziala_lehen_postuan_dago_hamar2010_saria_lortzeko.htm
http://paperekoa.berria.info/agenda/2011-01-11/038/002/berriketaninfo_bigarren_hamar2010_bozketan.htm
Bueno, sin mais, esandakoa, zorionak eta mila esker!
Aupa Haritz!
Ba bai, badakit kontu honek zabalkunde handiagoa behar duela, eta hasierako asmoa bazen -beste urte batzuetan bezala- gutxienez sustatu eta zuzeura honen inguruko informazioa bidaltzea. Beste inoiz prentsa oharra eta guzti ere bidali izan dut hasieran eta bukaeran. Baina zer nahi duzu esatea, aurten ezin iritsita nabil eta onartu behar dut hamar@2010 zerbitzu minimoekin atera dela aurrera. Beste urte batzuetan ‘irabazleentzat’ egin ditudan bannerrak sortzeko astirik ere ez dut izan oraindik (eta ez dut aurreikusten hurrengo egunetan ere izatea :/)
Pentsatzen nabil hurrengoetarako ekimena ‘auzolanean’-edo antolatzea, baina oraindik ez dakidana da nola, norekin, eta abar. Iradokizunak onartzen dira, e? :Pç
Zorionak ‘sariagatik’ eta eskerrik asko loreengatik!