Teknopataren txokoa

Badatoz aPad-ak

Duela urte pare bat netbookekin -eta iaz A gripearekin- gertatu zen bezala, beldurrik gabe esan dezakegu datozen udazken eta neguan tableten sukarra hedatuko dela.

Pandoraren kutxa Applek ireki zuen bere iPad sonatuarekin, baina badira (bagara) asko eta asko Jobsen esparru hiperkontrolatuan jarduteko gogorik gabe, lehiakideek (eta bereziki Android sistema eragilearekin lanean dabiltzanek) zer aterako duten ikusteko irrikatan.

Berlingo IFA 2010 azoka ‘epela’ aurreikusten da zentzu horretan, eta elektronikaren munduko etxeak hasi dira jadanik euren tableta propioak aurkezten. Hona konparazio bat ikusi ditugun hainbat modelorekin. Baietz interesgarriak?

	Apple iPad	Samsung Galaxy Tab	Toshiba Folio 100
Sistema eragilea	iOS 4	Android 2.2 + TouchWiz 3.0	Android 2.2
Pantaila	9,7″ LED (1024 x 768)	7″ (1024 x 600) TFT-LCD multitouch	10,1″ (1024 x 600) TFT-LCD multitouch
Prozesagailua	Apple A4 – 1 Ghz	ARM Cortex A9 1Ghz	Tegra 2
Bozgorailuak	Bai	Bai
Kamera		1,3MP (bideokonf.) / 3MP	1,3MP (bideokonf.)
Flash		Bai
WiFi	Bai	Bai	Bai
BT	Bai	Bai
3G – Ahotsa	Ez	Bai
3G – Datuak	Aukeran	Bai	Bai
Berezko memoria	16 / 32 / 64 Gb	16 / 32 Gb	16 Gb
Memoria txartelak		SD (gehienez 32 Gb)	SD
Bateria	10 ordu	4.000 mAh	1020 mAH (7 ordu)
Full HD		Bai
HDMI	Bai (30 pineko konektore bidez)	Bai (30 pineko konektore bidez)	Bai
USB	Bai (30 pineko konektore bidez)	Bai (30 pineko konektore bidez)	Bai
Prezioa	479 eurotik aurrera
Bestelakoak	Mikrofonoa, azelerometroa, argi sentsorea		Adobe Flash 10.1

Goiko horiek hasierako laginak baino ez dira, noski, IFA delako hori bihar hasiko da ofizialki, eta espero da beste fabrikante askok ere tabletak aurkeztea. Bestalde, taula honetan sartu nahi nituen HP prestatzen ari omen dena (WebOS sistema eragilean oinarritutakoa), eta gaur Twitter bidez komentatu didaten Notion Ink Adam delakoa, baina ezin izan dut datu zehatzegirik aurkitu.

Eta zuek, begirik bota al diozue antzeko beste gailuren bati?

Etiketak: android, apad, Apple, HP, ifa 2010, ipad, notion ink, samsung galaxy tab, tablet, toshiba folio 100, WebOS | Zabildu

Behiontze Burgerrean

Behiontze handiaren aurkako nazioarteko kanpainak ez du etenik, eta orain Estatu Batuetako rapero bat izan da aldaken errginari oldartu zaiona: raperoak dioenez, Behiontze Burger King batean ikusi du, eta dantzari beltzak hamar dolarreko billetea gorroneatu dio gainera afaria ordaintzeko. Inbidiatik sortutako zurrumurru faltsuak, seguru!

Etiketak: behiontze, beyonce, bideoklipa, burger king, cazwell, musika, rap | Zabildu

Goma tontoak

Gogoan dituzue garai bateko txinitoen eskumuturrekoak? Zabor pusketa haiek moda-modan jarri ziren garai batean, eta saltzeko okurrentzia izan zuena forratu egin zen, zalantzarik gabe.

Hori 80ko hamarkadan izan zen, baina gaur egun ere baditugu antzeko adibideak: PowerBalance eskumuturreko famatuek, esate baterako, gorputzeko energiak orekatzen omen dituzte haien hologramei esker… Munduko futbol txapeldunen energia ere zureganatzeko gauza ei dira… “Siempre hay un roto para un descosido” esaten du nire amak. Eta beti izaten da halako gezur saltzaileei mirakuluak erosteko prest dagoen jendea.

Horregatik gustatu zait gaurko aurkikuntza. Silly Bandz izenekoak ez dira magikoak, ez dute botere berezirik, ez dute inongo zoriona edo oreka erakartzen. Silly dira, hau da, txatxuak, eta Bandz: gomak, alegia. Estatu Batuetako umeak txoratuta omen daude gomatxookin.

Kolore bizietakoak, forma estranbotikoekin, eskumuturrean, belarrian edo sudur puntan jartzeko hala nahi izanez gero: itsaskiak, printzesak, basapiztiak, era guztietakoak daude, baita izpi ultramoreekin kolorez aldatzen direnak ere!  Eta gainera, merke-merkeak dira: 24ko paketea bost eurotan eros daiteke.

Zer, erosiko dugu zakukada bat eta modan jarriko ditugu? Ni neu tentatua nago!!!

Etiketak: frikikeriak, goma, patxilo, powerbalance, silly bandz, tontoak, umeak | Zabildu